ذكرياتي إللي كنت ناسيها

November 25, 2007 at 9:07 am (Uncategorizable)

طفولة

فاكر أن أمي كانت بتقول لي “لما حد يسألك بابا فين قول له إن بابا في السجن عشان هوه سياسي”.

فاكر أن خط المترو ما كانش بيوصل مساكن الشيراتون. كان فيه شخص بيساعد أمي في شيلي من البيت إلى صلاح سالم.

فاكر في قاعة المحكمة. مش فاكر وش أبويا، أو إني حتى بصيت له. ماما بتقول “لما القاضي يخش الأوضه لازم تقف”.

دخلت أوضة العمليات عشان عملية اللوز. أبويا كان وعدني بلعبة. مرعوب وأنا على السرير. الممرضة دخلت الأوضة وإيدها ورا ضهرها….بعد العملية آعد على السرير بآكل آيس كريم (؟مش فاكر) وبشرب ببس (؟برضه مش فاكر). طالعين من مبني. بابا بيقولي فيه نقطة دم على دراعك. عيطت.

 

انطباعات عن زير

نينا أم فيصل [بتزعق]: عملتي إيه في الواد يا دولت….

دولت: ….وقع في البلاعة…..

: حميتيه في الزير واحنا في طوبة

 

جملة بتتكرر: هاتي الفول يا دولت

 

انطباعات: صحيت من النوم. مصيت طرحة نينا أم فيصل شوية. الكومودينو. علبة كحك صفيح. فتحتها. فيها علب كرتون. فتحتها. فيها أقراص حمرة. طعمها حلو زي البونبوني إللي بابا بيجيبهولي…..طعم ملح كتير وناس شيليني.

 

حدث في حياة مراهق

قال لي إنه شاف بنت حلوة أوي في النادي “بس عينيها بتقفل لما بتضحك”. رحت النادي. جات سلمت عليه وبصت لي وقالت “هاي”. ابتسمت. عينيها قفلت. حبيتها.

Advertisements

Permalink 9 Comments

الفناء

November 24, 2007 at 8:44 pm (مع نفسك، ذلك أفضل جداً, أفلام)

الفناء

مشهد من فيلم فيرتيجو لهتشكوك: تقف البطلة، و يبدو أنها تحت تأثير إحساس غامض بالحزن، أمام شجرة كبيرة مقطوعة، ثم تشير بإصبعها إلى نقطة على القطاع العرضي للشجرة و تقول للبطل “لقد ولدت هنا” ثم تقول محركة إصبعها قليلا ً”و هنا سوف أموت. لقد كانت فقط لحظة.”

وهوبالضبط مما قد يسبب الغثيان

 

vertigo-still-16.jpg

Permalink Leave a Comment

حزر فزر إيه إللي حصل للمحافل البهائية؟

November 7, 2007 at 12:27 pm (Bahais, Uncategorizable, أحا, دولة نص كم)

إضرب أي تخيل عن اللي حصل لإحدى المحافل البهائية بعد قرار إغلاقه.

إلى جمعية لتعليم القرآن….. ثم إلى……….والآن……سيداتي آنساتي سادتي…..تحول إلى…….تحول إلى………إلى….مركز الحزب الوطني الديمقراطي!!!!!!!!!

دي مش أي ديمقراطية!! دي ديمقراطية لها مخاب وأنياب يا باشا.

egsummer07-246.jpg

egsummer07-248.jpg

Permalink 4 Comments