إتنين جنيه و كيس رز
عمار يا مصر لما ضمير الواحد يتباع باتننين جنيه و كيس رز. وبعدين إيش عرفنا…مش يمكن يطلع كيس الرز بحجم شوال مثلاً…كده طبعاً الموضوع يبقى منطقي تماماً.
إيه الجنان ده. طبعاً كلنا سمعنا عن “مكافآت” للتصويت مثل حبة فياجرا بالإضافة إلى وجبة كشري. دي بصراحة جامدة، يعني عداه العيب إلى يبيع صوته في مقابل الحاجات دي. بس اتنين جنيه و كيس رز…كده الموضوع بقى غريب شوية؟
في الغالب، الشباب في عزبة الهجانة مش فارق معاهم أصلاً إحم و لا دستور، و لو مش عارف ليه روح اتمشى هناك و انت تعرف. الموضوع ده بيخلي الواحد يفكر في جدية أطروحة إن الديمقراطية لها ما قد يطلق عليه “شروط” اقتصادية.
المهم،
كل استفتاء و انتو طيبين
atralnada said,
March 28, 2007 at 11:01 am
شهبورش ,
welcome in the blogshpere el 7′ateer
ppl should not know i am atralnada,dear, matefda7nesh argook, ana bakteb 7agat abe7a , he3 he3.
satantango said,
March 28, 2007 at 2:03 pm
إشطة
حنفذ الأوامر يا فندم
atralnada said,
March 29, 2007 at 8:21 am
very nice vedio
have u checked Ahmad Sherif’s works?
check this out, he is brilliant
http://www.youtube.com/profile?user=AhmadSherif
satantango said,
March 29, 2007 at 6:55 pm
Thanks,
Sherif Sadek is a real professional. It took us like 5 hours to edit it.
I know Ahmad Sherif. The google thing that he set us is really good.
Alaa said,
March 31, 2007 at 10:03 am
أظن أن فعلا فيه شروط اقتصادية للديمقراطية، لكن الشروط دي قابلة للتغير و التبسيط في حالة وجود تنوع حقيقي في القوى السياسية المتنافسة على السلطة و مؤسسات مستقلة معنية بتنظيم قطاعات من الحياة بعيدا عن التأثير و التدخل المباشر للدولة.
الديمقارطية مش كفاية لحل مشاكل عزبة الهجانة (راجع حنوب أفريقيا أو الهند) لكنها خطوة ضرورية في عشان نوصل لأي حلول (راجع برضه جنوب أفريقيا أو الهند).
satantango said,
March 31, 2007 at 6:14 pm
الأكيد أن علاقة الإقتصاد بالسياسة مش علاقة أحادية. الهند فيها ديمقراطية، وفيها فقر شديد جداً، رغم إنها رابع أكبر إقتصاد في العالم. الموضوع برضه ملوش علاقة بأن الـ”دولة” غنية. يعني السعودية دولية غنية لأن فلوس البترول بتخش في جيب الدولة مباشراً، لكن أبعد ما يكون عن الديمقراطية.
عشان آجي لكلامك بوجه خاص، فيه برضه رابطة من نوع ما بين النمو الاقتصادي (ده برضه ليه علاقة بمدى ونوعية التداخل مع الاقتصاد العالمي) وتتطور وتنوع البنية الطبقية، والمصالح الاقتصادية والسياسية، بحيث يصعب على الدولة التحكم فيها. هنا فعلاً يبقى فيه دور لقوى سياسية متصارعة و مجتمع مدني بعيد عن تدخل الدولة. ممكن تقول أن دول وجهين لعملة واحدة. المشكلة قد تكون مش من نوعية البيضة أم الفرخة. المشكلة هي كيفية بداية هذه العملية، وكيفية استمراريتها.
المقرطة ليها برضه علاقة بالأزمات المالية للدولة، لأن شرعية الدولة برضة مربوطة بقدرتها على انتاج “الرفاهية”. الموضوع حيطول…
سمعت عن Outsourcing ؟
مواطن من عزبه الهجانه said,
June 30, 2007 at 8:03 pm
يا ناس يالى بتكتب الى يكتب حاجه ينزل يشوف بنفسه الكلام ده يمكن يكون صحيح ان مش الكل وانا عايز اقول ان مصر ام الاشعات يا بلد مفهاش غير الاشعات ثانيا اكتر المنطقه بتبيع ضميرها يمكن مش علشان 2 جنيه وكيلو رز يا محترم بس المهم انهم بيعملو نفس الموضوع مع فرق طبعا المقابل يا استاذ يا مثقف مع كامل احترمى ليك
satantango said,
July 1, 2007 at 10:51 am
يا شباب ما تزعلوش كده. أولا مش أنا منشأ هذه الإشاعة ده المصري اليوم (راجع المقالة إللي في الرابط). ثانياُ أنا مش بالوم بشكل أخلاقي الناس إللي باعت صوتها في الانتخابات بتنين جنيه وكيس رز، أنا بالوم الظروف إللي أجبرته على ذلك. و أخيراُ مين قال إن أنا ما رحتش عزبة الهجانة؟